Thirty-first Sunday in Ordinary Time

Mari Yohan Bar Thoma
Oct 31, 2021
2 min read

Ika tatlongpung-isang Linggo ng Karaniwang Panahon

October 30, 2021

Marcos 12, 28b-34

Sa Ngalan ng Ama, at Ng Anak, at ng Espiritu Santo. Amen

Buksan mo ang aming mga labi

at pupurihin ka ng aking bibig

Luwalhati sa Ama, at sa Anak, at sa Espiritu Santo

Kapara noong una, ngayon, magpakailanman at magpasawalang hanggang. Amen

Ang Mabuting Balita ng Panginoon ayon kay San Marcos

Noong panahong iyon, lumapit ang isa sa mga eskriba kay Hesus at tinanong siya, “Alin pong utos ang pinakamahalaga?” Sumagot si Hesus, “Ito ang pinakamahalagang utos, ‘Pakinggan mo, Israel! Ang Panginoon na ating Diyos – siya lamang ang Panginoon. Ibigin mo ang Panginoon mong Diyos nang buong puso, nang buong kaluluwa, nang buong pag-iisip, at nang buong lakas.’ Ito naman ang pangalawa, ‘Ibigin mo ang iyong kapwa gaya ng iyong sarili.’ Wala nang ibang utos na hihigit pa sa mga ito.” “Tama po, Guro!” wika ng eskriba. “Totoo ang sinabi ninyo. Iisa ang Diyos at wala nang iba liban sa kanya. At ang umibig sa kanya nang buong puso, buong pag-iisip, at buong lakas, at ang umibig sa kapwa gaya ng kanyang sarili ay higit na mahalaga kaysa magdala ng lahat ng handog na susunugin, at iba pang mga hain.” Nakita ni Hesus na matalino ang kanyang sagot, kaya’t sinabi niya, “Malapit ka nang mapabilang sa mga pinaghaharian ng Diyos.” At wala nang nangahas magtanong kay Hesus mula noon.

Ang Mabuting Balita ng Panginoon.

Espiritual na Pakikinabang

O Hesus ko, naniniwala ako na ikaw

ay tunay na naririyan sa Banal na Sakramento.

Minamahal Kita ng higit sa lahat

at ninanais ko na Ikaw ay tanggapin sa aking kaluluwa.

Bagama’t sa sandaling ito ay hindi Kita matatanggap

sa paraang sakramental,

pumarito ka man lamang sa aking puso

sa paraang espiritwal.

Tinatanggap Kita na Ikaw na naririto

at buong puso akong nakikipag-isa sa Iyo.